懷孕27週：懷二寶的勇氣🤗🤗
自2013年結婚以來，我和老公都打算生一個小朋友，因為有大人與小孩，家庭才算完整，到2015年1月，芊嶠出生，嶠媽痛了30幾小時，11號晚上9點多入產房，12號凌晨，芊嶠才出生。雖然身邊很多朋友都說我生得快，但痛的時候真的發誓不想生第二胎。
直到芊嶠一歲多開始，她外出遇見其他小朋友，都會想和其他小朋友玩，有時玩到唔捨得走。我和嶠爸才開始想，到底我們生唔生第二胎好。我們想了半年，當然好多野要想，金錢上，心理上，住屋問題等等。最後，我們都決定想生二寶，為芊嶠添一個細佬/妹妹！
嶠媽的朋友都知道芊嶠是全母乳寶寶，嶠媽一直都打算餵到自然離乳。直到嶠媽懷了二寶，身邊親朋戚友都說懷孕不要再餵母乳，但嶠媽都沒有放棄。而且我都有跟芊嶠說如果媽媽不舒服，那就要停一停，讓媽媽休息一下才繼續，芊嶠都很乖，一直維持到一歲十個月。有一天，嶠媽問芊嶠要喝母乳嗎？芊嶠突然就不要了，雖然嶠媽那一刻心很痛，但我知道芊嶠是長大了，知道媽媽懷著細佬辛苦，所以就選擇自然離乳，嶠媽都覺得好欣慰。
好多朋友每次見嶠媽，都會話我個肚好大，就算連嶠爸都係禁覺得！但因為嶠媽係全職媽媽，所以每日都會帶住芊嶠周圍去玩。有人會問，我大住肚辛苦嗎？我覺得有時係會累，但又未至於好辛苦。不過想懷二寶的媽媽要有心理準備，因為大寶知道媽媽懷孕後，會特別痴身，無時無刻都會想要媽媽抱，貼身跟著媽媽，怕媽媽會走，當然芊嶠都唔例外。
農曆新年我們都一定會帶著芊嶠去拜年，昨天到太婆那邊拜年，芊嶠是唯一一個小朋友，你問她會不會悶，總有些吧？所以令嶠媽更加沒有後悔想生二寶的心，哈哈😂😂下年農曆新年就有雞蛋仔出來陪芊嶠玩，媽媽都好期待！希望芊嶠會帶住雞蛋仔去玩，就算雞蛋仔未識行，我都相信芊嶠會拎好多野比佢玩🙈🙈
嫲嫲還說，我的肚子愈大，芊嶠就會更加痴身，因為開始要爭😂😂芊嶠係這個新年，無時無刻都要媽媽，悶又媽媽抱，開心又媽媽抱，整親喊更加要媽媽抱🙈🙈不過媽媽抱到都會盡量抱😊😊
#懷二寶的勇氣 #芊嶠 #細佬雞蛋仔 #嶠媽
Search